दिघी, दि. ५ जून : पंतप्रधान नरेंद्र मोदी यांच्या नेतृत्वातील केंद्र सरकारच्या १२ वर्षांच्या यशस्वी कारकिर्दीनिमित्त तसेच जागतिक पर्यावरण दिनाचे औचित्य साधून संत सेवालाल महाराज मंदिर परिसर, फुगे वस्ती, दिघी येथे भोसरी विधानसभा मतदारसंघाचे आमदार मा. महेशदादा लांडगे यांच्या मार्गदर्शनाखाली नगरसेविका सौ. कविताताई भोंगळे-पाटील यांच्या आयोजनातून वृक्षारोपण कार्यक्रम उत्साहात संपन्न झाला.
पर्यावरण संवर्धनाचा संदेश देण्यासाठी आयोजित करण्यात आलेल्या या कार्यक्रमात विविध प्रकारच्या वृक्षांची लागवड करण्यात आली. “चला वृक्षारोपण करूया, निसर्ग जपूया” या संकल्पनेतून नागरिक, महिला, युवक आणि कार्यकर्त्यांनी उत्स्फूर्त सहभाग नोंदविला.
यावेळी नगरसेविका सौ. कविताताई भोंगळे-पाटील यांनी पंतप्रधान नरेंद्र मोदी यांनी देशभर राबविलेल्या स्वच्छता, पर्यावरण संरक्षण आणि शाश्वत विकासाच्या संकल्पनांचा उल्लेख करत प्रत्येक नागरिकाने किमान एक वृक्ष लावून त्याचे संगोपन करण्याची जबाबदारी स्वीकारावी, असे आवाहन केले.
आमदार महेशदादा लांडगे यांच्या मार्गदर्शनाखाली भोसरी मतदारसंघात विविध सामाजिक व पर्यावरणपूरक उपक्रम सातत्याने राबविले जात असून, त्याचाच एक भाग म्हणून हा वृक्षारोपण कार्यक्रम आयोजित करण्यात आला. पर्यावरण संरक्षणासाठी जनजागृती निर्माण करण्याबरोबरच भावी पिढ्यांसाठी हरित वारसा निर्माण करण्याचा संकल्प यावेळी करण्यात आला.
कार्यक्रमास नगरसेवक श्री.सागरभैय्या गवळी, नगरसेवक श्री.विकास भाऊ डोळस, नगरसेवक श्री. कृष्णा सुरकुले भाजपा वरीष्ठ उपाध्यक्ष श्री. संजय पटणी मंडलाध्यक्ष श्री प्रमोद परदेशी, जेष्ठ मार्गदर्शक श्री रविंद्र नांदुरकर ज्येष्ठ मार्गदर्शिका रोहिणीताई मांढरे,प्रभाग पाच महिला मोर्चा, अध्यक्षा सौ स्वातीताई शिर्के उपाध्यक्ष सौ. मनीषाताई गंगणे, सौ. उषाताई सिनलकर, सौ. सुनीता चव्हाण, सौ. सविता चव्हाण, सौ.सविता जाधव, सौ.पूजा राठोड, सौ.छाया चव्हाण, सौ.सोनाली चव्हाण, गोर बंजारा सामाजिक संस्था दिघी भोसरी श्री संत सेवालाल महाराज मंदिर कमिटी अध्यक्ष श्री. रामसिंग तारू खेतावत कमिटी सचिव श्री. किशोर चव्हाण, उपाध्यक्ष श्री.गोपाल खेतावत, खजिनदार श्री.विठ्ठल चव्हाण, उपखजिनदार श्री.व्यंकटेश पवार श्री. भरत देवराम जाधव , सामाजिक कार्यकर्ते श्री रामेश्वर शिर्के, श्री.राजेश टोपे , श्री.शंकर खैरे, श्री. अभिजीत तापकीर, महानगरपालिका उद्यान विभाग सहाय्यक अधीक्षक श्री. राजेश वसावे साहेब, उद्यान सहाय्यक श्री सचिन शिनगारे आदी मान्यवर तसेच स्थानिक पदाधिकारी, कार्यकर्ते, महिला भगिनी, युवक व नागरिक मोठ्या संख्येने उपस्थित होते.
🖋️संपादक – सुवर्णा गवारे🖋️
