आयुक्त श्रावण हर्डीकर यांचेकडे कष्टकरी संघर्ष महासंघाची मागणी
पिंपरी चिंचवड दि.५ – पिंपरी चिंचवड महानगरपालिकेच्या कडून रावेत प्रकल्प ऐवजी किवळे प्रकल्पामध्ये आर्थिक दृष्ट्या दुर्बल साठी सदनिका देण्यात येत आहेत मनपाचे दुर्लक्षामुळे, चुकांमुळे लाभार्थ्यांना भुर्दंड भरावा लागत असून त्यात त्यांना विविध सवलती देण्यात याव्यात यासाठी आज कष्टकरी संघर्ष महासंघातर्फे आयुक्तांना निवेदन देऊन चर्चा करण्यात आली.
पिंपरी चिंचवड महानगरपालिका कडून पंतप्रधान आवास योजनेअंतर्गत रावेत येथे ९३४ सदनिकांचा प्रकल्प मंजूर करण्यात आला होता. मात्र हा प्रकल्प मनपाच्या चुका, विविध कारणास्तव पूर्ण होऊ शकला नाही. त्यामुळे पिंपरी चिंचवड महानगरपालिकेकडून सदरच्या लाभार्थ्यांना किवळे येथे कन्स्ट्रक्शन ॲम्युनिटी टी डी आर च्या बदल्यात आर्थिक दृष्ट्या दुर्बल घटकासाठी बांधण्यात आलेल्या प्रकल्पात सदरच्या लाभार्थ्यांना घर देण्याचे निश्चित करण्यात आले.
वास्तविक ५ वर्षांपूर्वी रावेत प्रकल्पासाठी लाभार्थ्यांना ६ लाख ९५ हजार रुपये इतक्या किमतीमध्ये सदनीका व लाभार्थी निश्चित करण्यात आलेले होते .मात्र ५ वर्षे पूर्ण होऊनही महापालिकाकडून हा प्रकल्प पूर्ण होऊ शकला नाही. त्याचा भुर्दंड आता महानगरपालिका सदरच्या किवळे ठिकाणी १३ लाख ७१८ रु. मध्ये या प्रकल्पातील सदनिका देण्याचे मनमानी नियोजन आहे.
शहरातील कष्टकरी कामगार वर्ग यांनी या प्रकल्पामध्ये अर्ज केला असल्याने आर्थिक दृष्ट्या दुर्बल असणाऱ्या घटकांना मुद्रांक शुल्क पूर्ण माफ करण्यात यावे. याबाबत महासंघाने आंदोलन ही केले आणि तत्कालीन आयुक्त शेखर सिंह यांचेशी सकारात्मक चर्चा केल्यानंतर त्यांनी योग्य तो पत्र व्यवहार केलेला असून त्यांनी सकारात्मक पावले उचलली मात्र त्यांची बदली झाल्याने पुन्हा पाढे नव्याने घ्यावे लागणार.
शासकीय योजनेतील घरे असल्याने या प्रकल्पासाठी पी एम ए वाय चे अनुदान देण्यात यावे.लाभार्थी यांना ९० % रक्कम भरण्यासाठी ची मुदत वाढवण्यात यावी. सदनिका हस्तांतर करायचे असल्यास ५० % रक्कम भरण्याची अट रद्द करावी यावर चर्चा करण्यात आली. यावर लवकरच बैठक घेऊन पुढील दिलासादायक निर्णय घेणार असल्याचे आयुक्तांनी नमूद केले.
कामगार नेते काशिनाथ नखाते,उपाध्यक्ष राजेश माने, अमृत पाटील, नरसिंग माने,सुरेश धानेकर, शुभांगी चव्हाण, ज्योती बिद्री, प्रीती गोहाड, विनोद गायकवाड, आकाश कांबळे, उस्मान तांबोळी, सखाराम केदार,सुनील भोसले उपस्थित होते.
🖋️संपादक – सुवर्णा गवारे🖋️
