पिंपरी, ता.२०: राजमाता पुण्यश्लोक अहिल्यादेवी होळकर जयंती महोत्सव समिती पिंपरी चिंचवड शहर आणि पिंपरी चिंचवड महानगर पालिका यांच्या वतीने साजऱ्या होणाऱ्या 300 व्या अहिल्यादेवी होळकर जयंती महोत्सव साजरा करण्याबाबतची अत्यंत महत्वाची बैठक सोमवार दिनांक 19 मे 2025 रोजी पिंपरी चिंचवड महापालिकेचे उपायुक्त अण्णा बोदडे साहेब यांच्या उपस्थितीत पार पडली.
या बैठकीसाठी महापालिका जनसंपर्क अधिकारी श्री प्रफुल पुराणिक साहेब, जयंती महोत्सव समितीच्या अध्यक्षा विणाताई सोनवलकर, माजी नगरसेवक राजाभाऊ दुर्गे यांच्यासह जयंती महोत्सव समितीचे प्रमुख सदस्य श्री अशोक खरात, श्री धनंजय ताणले, श्री महावीर काळे सर, श्री गणेश खरात, श्री सचिन सरक, सौ रेखाताई दूधभाते, सौ पल्लवीताई मारकड, श्री पोपट हजारे, श्री विठ्ठल देवकाते आदी सर्वजण उपस्थित होते.
उपयुक्त अण्णा बोदडे यांना जयंती महोत्सव समितीच्या वतीने राजमाता पुण्यश्लोक अहिल्यादेवी होळकर यांचा 300 वा जयंती महोत्सव कार्यक्रम हा 6 दिवसांचा साजरा करण्याचे पत्र देण्यात आले. याच प्रमाणे 31 मे 2025 रोजी पुण्यश्लोक अहिल्या मातेची सकाळी 8 ते 11 या वेळेत खंडोबा मंदिर आकुर्डी ते पुण्यश्लोक अहिल्यादेवी चौक पिंपरी या मार्गावरून मिरवणूक देखील काढण्याचे प्रयोजन करण्यात आले आहे.
या नुसार सोमवार दिनांक 26 मे 2025 ते शनिवार दिनांक 31 मे 2025 पर्यंत राजमाता पुण्यश्लोक अहिल्यादेवी होळकर यांची 300 वी जयंती पिंपरी चिंचवड महानगर पालिका आणि राजमाता पुण्यश्लोक अहिल्यादेवी होळकर जयंती महोत्सव समिती पिंपरी चिंचवड शहर यांच्या वतीने अत्यंत थाटामाटात साजरी केली जाणार आहे.
🖋️संपादक – सुवर्णा गवारे🖋️
