पिंपरी-चिंचवड महापालिकेची सीबीएसई शाळा लवकरच विद्यार्थ्यांसाठी होणार खुली!
65 कोटींचा निधी, सहा मजली अद्ययावत इमारत, 2500 विद्यार्थी शिकणार
योग्य लोकप्रतिनिधी समाजात सकारात्मक बदल घडवतात
पिंपरी-चिंचवड (वाकड) दि. १२ : निवडणुकांच्या रणधुमाळीत केलेली कामे आणि आश्वासनांचा भडिमार होत असताना वाकड भागातून मात्र अनोख्या शाळेची माहिती समोर आली आहे. महापालिकेची पहिली सीबीएसई शाळा वाकडमध्ये मूर्त रुपाला येत आहे.
वाकड भागात पिंपरी-चिंचवड महापालिकेच्या शिक्षण विभागाने सीबीएसई निकषांनुसार नवी शाळा उभारली असून, तिचे बांधकाम आता अंतिम टप्प्यात आहे. स्थानिक पातळीवर माजी नगरसेवक आणि आत्ताचे भाजपाचे प्रभाग क्रमांक २५ चे अधिकृत उमेदवार राहुल कलाटे यांच्या संकल्पनेतून या शाळेला मूर्त रूप मिळाले आहे. ही शाळा आगामी शैक्षणिक वर्षापासून सुरू होण्याची शक्यता असून, गोरगरीब व आर्थिक दुर्बल घटकातील विद्यार्थ्यांना अंतरराष्ट्रीय दर्जाचे मोफत दर्जेदार शिक्षण उपलब्ध करून देण्याचा महापालिकेचा उद्देश आहे.
महापालिकेची पहिली सीबीएसई शाळा
वाकडमध्ये ही शाळा पिंपरी-चिंचवड महापालिकेच्या शिक्षण विभागाद्वारे सीबीएसईच्या निकषांनुसार उभारण्यात येणारी पहिली महापालिकेची शाळा आहे. शाळेचा उद्देश आर्थिक अडचणीत असलेल्या कुटुंबातील मुलांना उच्च दर्जाचे शिक्षण उपलब्ध करून देणे हा आहे, जे गेल्या वर्षांपासून पालक आणि विद्यार्थ्यांची याबद्दल मागणी होती.
विद्यार्थ्यांसाठी सुविधा आणि क्षमता
या शाळेची इमारत सहामजली असून, ८० टक्के काम पूर्ण होऊन बांधकाम आता अंतिम टप्प्यात आहे. प्रथम टप्प्यात सुमारे २५०० विद्यार्थ्यांना शिकवण्याची क्षमता आणि आधुनिक, सुरक्षित व प्रगत सुविधा यावर भर देण्यात आला आहे.
६५ कोटींचा विकास प्रकल्प
शाळेच्या बांधकामासाठी महापालिकेने सुमारे ६५ कोटींचा प्रकल्प मंजूर केला आहे. हे बजेट भविष्यातील दर्जेदार शैक्षणिक सुविधा व उत्तम इन्फ्रास्ट्रक्चर यासाठी वापरण्यात येणार आहे. यात स्मार्ट क्लासरूम्स, प्रयोगशाळा, पुस्तकालये, क्रीडा क्षेत्र, सुरक्षित रस्ते व शाळेची व्यवस्थापन व्यवस्था सर्व अंतर्भूत आहेत.
वाकडमध्ये सीबीएसई शाळा; स्थानिक विद्यार्थ्यांची गरज
वाकडसारख्या वेगाने विकसित होणाऱ्या भागात सीबीएसई शिक्षणाची मागणी गेल्या काही वर्षांत लक्षणीय वाढली आहे. त्यातच महापालिकेने स्वतःच्या पायाभूत सुविधांवर सीबीएसई शाळा सुरू करणे हा एक मोठा टप्पा आहे, जे खास करून आर्थिकदृष्ट्या दुर्बल घटकांसाठी मोफत आणि दर्जेदार शिक्षण उपलब्ध करून देईल. हे सामाजिक समता व शिक्षण नियोजनात एक सकारात्मक पाऊल मानले जात आहे.
समाजासाठी व विकासासाठी शाळेचे महत्त्व
🔹 दरवर्षी वाढणाऱ्या शैक्षणिक मागणीतून विद्यार्थ्यांना सीबीएसई पर्याय उपलब्ध होईल
🔹 सरकारी पातळीवर दर्जेदार शाळा उपलब्ध करणे
🔹 गोरगरिब व मध्यमवर्गीय कुटुंबांना आर्थिक मदत
🔹 शिक्षणाच्या गुणवत्तेत सुधारणा आणि संधी वाढवणे
या शाळेसाठी राहुल कलाटे यांनी पुढाकार घेतला होता. महापालिका प्रशासनाकडे पाठपुरावा करून, त्यांनी या शाळेचे काम पूर्ण करून घेतले. आयटीयंससोबतच गोरगरीब कुटुंबातील विद्यार्थ्यांनाही उच्च दर्जाचे परवडणारे दर्जेदार शिक्षण घेता यावे यासाठी शाळा. त्यामुळे योग्य लोकप्रतिनिधी निवडले तर समाजासाठी किती सकारात्मक बदल घडवता येतो, याचे हे जिवंत उदाहरण आहे.
राहुल कलाटे यांना या शाळेबद्दल विचारले असता ते म्हणाले की “येत्या काळात वाकडमध्ये पिंपरी-चिंचवड महापालिकेची पहिली सीबीएसई शाळा सुरु होईल. शाळेची ही वास्तू, हजारो गोरगरीब, मध्यमवर्गीय आणि आयटी कर्मचाऱ्यांच्या कुटुंबांतील मुलांच्या उज्ज्वल भविष्यासाठीची संधी ठरणार आहे. या प्रकल्पातून अत्याधुनिक सुविधा, दर्जेदार इन्फ्रास्ट्रक्चर आणि सीबीएसई निकषांनुसार शिक्षण उपलब्ध करून देण्यात येणार आहे.”
🖋️संपादक – सुवर्णा गवारे🖋️
