मेहनती हातांची ताकद ‘घड्याळा’सोबत; विजयाचा विश्वास अधिक दृढ
पिंपरी, दि. ८ :कष्टकरी कामगार, श्रमिक आणि मेहनती हातांची एकजूट राष्ट्रवादी काँग्रेस पार्टीच्या पाठीशी उभी राहत असल्याचे चित्र प्रभाग क्रमांक १६ मध्ये पाहायला मिळत आहे. कष्टकरी संघ, महाराष्ट्र राज्य संघटना यांच्यावतीने राष्ट्रवादी काँग्रेस पार्टीच्या प्रभाग १६ मधील अधिकृत पॅनलला गुरुवारी जाहीर आणि ठाम पाठिंबा देण्यात आला.
या पाठिंब्याची घोषणा कामगारांचे ज्येष्ठ नेते काशिनाथ नखाते यांनी करत, प्रभाग १६ मधील राष्ट्रवादी काँग्रेस पार्टीच्या चारही उमेदवारांवर कष्टकरी समाजाचा पूर्ण विश्वास असल्याचे ठामपणे सांगितले.
या पॅनलमध्ये श्रेया अक्षय तरस–गायकवाड (अनुसूचित जाती – अ गट),
जयश्री मोरेश्वर भोंडवे (नागरिकांचा मागास प्रवर्ग – ब गट),आशा तानाजी भोंडवे (सर्वसाधारण महिला – क गट),
मोरेश्वर महादू भोंडवे (सर्वसाधारण – ड गट, पॅनल प्रमुख व माजी नगरसेवक) यांचा समावेश आहे.
यावेळी व्यासपीठावर कष्टकरी संघाचे कार्याध्यक्ष राजू बिराजदार, निमंत्रक किरण ताडेकर, तसेच सुनील भोसले, संदीप भोसले, अनिल कदम, सोनू गुप्ता, अरुण जमादार, रोहिदास सातपुते आदी पदाधिकारी उपस्थित होते. याशिवाय पोलीस पाटील दिवाणजी भोंडवे, अक्षय तरस, तानाजी भोंडवे यांच्यासह भोंडवे कुटुंबातील अनेक सदस्य, राष्ट्रवादी काँग्रेसचे पदाधिकारी, कार्यकर्ते, महिला, युवक आणि परिसरातील नागरिक मोठ्या संख्येने उपस्थित होते.
कार्यक्रमात बोलताना कामगार नेते काशिनाथ नखाते म्हणाले,
कामगार, श्रमिक आणि मेहनती लोकांचा खरा आवाज विधानसभेत आणि महापालिकेत पोहोचवायचा असेल, तर सर्वसामान्यांच्या प्रश्नांसाठी सातत्याने झटणाऱ्या राष्ट्रवादी काँग्रेस पार्टीच्या उमेदवारांनाच निवडून देणे गरजेचे आहे. घड्याळ या चिन्हासमोरील बटण दाबून संपूर्ण पॅनलला बहुमताने विजयी करा,असे आवाहन त्यांनी मतदारांना केले.
कष्टकरी संघाच्या या ठाम पाठिंब्यामुळे प्रभाग १६ मधील राजकीय वातावरण अधिक राष्ट्रवादीमय झाले असून, घड्याळाच्या टिक-टिकीत विजयाची चाहूल स्पष्टपणे ऐकू येत आहे.
या विश्वासपूर्ण पाठिंब्याबद्दल चारही उमेदवारांनी कष्टकरी संघासह उपस्थित सर्वांचे मनापासून आभार मानले.यावेळी बोलताना पॅनल प्रमुख व माजी नगरसेवक मोरेश्वर भोंडवे यांनी भावनिक शब्दांत सांगितले, कष्टकरी, श्रमिक आणि सामान्य नागरिकांनी दाखवलेला हा विश्वास आमच्यासाठी प्रेरणादायी आहे. हा विश्वास कधीही तडा जाऊ देणार नाही. सर्वांना सोबत घेऊन प्रामाणिकपणे काम करत प्रभाग १६ चा सर्वांगीण विकास साधण्याची आम्ही ग्वाही देतो.
माझ्या राष्ट्रवादी काँग्रेस पार्टीच्या पॅनलला प्रभागातील सर्वसामान्य नागरिकांकडून वाढता प्रतिसाद मिळत आहे. विविध सामाजिक संघटना, कष्टकरी संघटना आणि मेहनती कामगारांचा मिळणारा पाठिंबा पाहता, आमच्या पॅनलमधील सर्व उमेदवारांचा विजय निश्चित आहे. हा विजय केवळ आमचा नसून, प्रभाग १६ मधील प्रत्येक कष्टकरी, प्रत्येक सामान्य नागरिकाचा विजय असेल.
मोरेश्वर भोंडवे पॅनल प्रमुख
🖋️संपादक – सुवर्णा गवारे🖋️
