स्वर्गीय लोकनेते गोपीनाथ मुंडे प्रतिष्ठान आणि नगरसेवक बाबासाहेब त्रिभुवन यांच्या वतीने आयोजन
पिंपरी चिंचवड, ता. १४: स्वर्गीय लोकनेते गोपीनाथ मुंडे प्रतिष्ठान आणि नगरसेवक बाबासाहेब त्रिभुवन यांच्या माध्यमातून रहाटणी येथे स्वर्गीय गोपीनाथ मुंडे साहेब मार्ग, छत्रपती चौक लिंक रोड येथे मुंडे साहेबांची जयंती मोठ्या उत्साहात साजरी करण्यात आली.
स्वर्गीय गोपीनाथ मुंडे हे भारतीय जनता पक्षाचे ज्येष्ठ नेते, महाराष्ट्राचे माजी उपमुख्यमंत्री आणि ग्रामविकास मंत्री होते. त्यांचा जन्म १२ डिसेंबर १९४९ रोजी झाला होता. त्यांच्या सामाजिक आणि राजकीय योगदानाची आठवण म्हणून दरवर्षी त्यांची जयंती विविध ठिकाणी साजरी केली जाते.
या कार्यक्रमाला पिंपरी चिंचवड नवनगर विकास प्राधिकरणचे माजी अध्यक्ष सदाशिव खाडे, माजी नगरसेवक बाबासाहेब त्रिभुवन, माजी नगरसेविका सविता खुळे, माजी नगरसेवक चंद्रकांत नखाते, माजी नगरसेवक कैलास थोपटे, माजी स्वीकृत नगरसेवक गोपाळ माळेकर, सामाजिक कार्यकर्ते नरेश खुळे, प्रतिष्ठानचे अध्यक्ष दीपक नागरगोजे, टाटा मोटर्स यूनियनचे माजी प्रतिनिधी नामदेव शिंत्रे, टाटा मोटर्स कर्मचारी सहकारी पतपेढीचे सेक्रेटरी सुभाष दराडे, महाराष्ट्र राज्याचे गुणवंत कामगार बाळासाहेब साळुंके, धोंडीराम कुंभार, दिगंबर सुरवसे, दीपक मनेरे, संदेश काटे, वैशाली काटे, छत्रभुज झाडे, श्याम सोनवणे, वैभव घोळवे, निवृत्ती वनवे यांच्यासह प्रभागातील असंख्य नागरिक उपस्थित होते.
कार्यक्रमात उपस्थितांनी मुंडे साहेबांना श्रद्धांजली वाहिली आणि त्यांच्या ग्रामीण विकास, सामाजिक न्याय आणि राजकीय संघर्षाच्या कार्याची आठवण करून दिली. मुंडे साहेबांनी महाराष्ट्राच्या राजकारणात ओबीसी समाजाला मजबूत केले आणि भाजपला बलवान बनवले.
उपस्थित मान्यवरांनी मुंडे साहेबांच्या विचारांना जनमानसात पोहोचवण्याचा आणि त्यांच्या वारश्याला जपण्याचा निर्धार व्यक्त केला. हा कार्यक्रम स्थानिक स्तरावर मुंडे साहेबांच्या योगदानाला आदरांजली वाहण्याचा एक प्रभावी प्रयत्न ठरला. प्रभागातील नागरिकांनी मोठ्या संख्येने उपस्थित राहून कार्यक्रम यशस्वी केला.
🖋️संपादक – सुवर्णा गवारे🖋️
