पिंपरी चिंचवड, ता. ९ डिसेंबर: अनेक वर्षापासून कष्टकरी कामगारांना एकत्र करून त्यांच्या हक्काची लढाई लढून सर्वच श्रमिकांना एका पातळीवर घेऊन न्याय देणारे बाबा, एक गाव एक पाणवठा, कष्टाची भाकर, शाळा, अनेक कायदे, अनेक सत्याग्रह, अनेक वेळा तुरूंगवास भोगलेले, कष्टकऱ्यांच्या हितासाठी, तळागाळातील लोकांसाठी ते कधीच थकले नाहीत. बाबासोबत अनेक वेळा आम्ही आंदोलने केली त्यांचा उत्साह कमी झाला नाही. एक महिन्यापूर्वी हमाल मापाडी यांच्या आंदोलनात कामगार कायदे यावर त्यांच्याशी चर्चा करता आली. या वयातही त्यांची जिद्द प्रेरक होती ते आविरतपणे अगदी शेवटच्या श्वासापर्यंत लढत राहिले डॉ बाबा आढाव यांना भावपूर्ण आदरांजली.
काशिनाथ नखाते
“माझ्यासारख्या तरुण कार्यकर्त्यांच्या हृदयात कष्टकरी कामगारांसाठी आवाज बनण्यामागे बाबांची प्रेरणा होती. त्यांच्या निधनानंतरही ती प्रेरणा आणि आमच्या कामातून, ते कायमस्वरूपी अमर राहतील.”
आदरणीय कामगार नेते डॉ. बाबा आढाव यांना भावपूर्ण श्रद्धांजली.
~ डॉ. केशव नाना क्षीरसागर
जनचळवळीचे पितामह भीष्माचार्य डॉ .बाबा आढाव यांना भावपूर्ण श्रद्धांजली.
गोरगरीब, वंचित,असंघटित कामगार, हमाल, रिक्षा चालक-मालक, कामगार,शेतकरी यांना न्याय मिळावा म्हणून अखेरच्या श्वासापर्यंत झुंजणारे झुंजार नेते, ज्यांच्या उत्तुंग कार्याकडे पाहुण, प्रेरणा घेऊन अनेक कार्यकर्ते घडले. असे
ज्येष्ठ समाजसेवक,समाजवादी नेते, जन चळवळीचे पितामहा भीष्माचार्य, क्रांतीसुर्य महात्मा ज्योतिराव फुले यांचे खरे वारसदार आदरणीय डॉ.बाबा आढाव यांचे दुःखद निधन झाले आहे.
आमच्यासारख्या कार्यकर्त्यांना बाबांचे मार्गदर्शन व आशीर्वाद होता. आमच्या सर्व आंदोलनाला त्यांचा पाठिंबा व आशीर्वाद मिळायचा. त्या बळावर आम्ही लढत होतो. आमच्या मोहननगर मध्ये देखील त्यांचे मार्गदर्शन मिळाले.
खरोखर आज जनचळवळीचा आधारवड गेला. गोरगरीब वंचित शेतकरी कामगारांचा आवाज शिण झाला. या पुढच्या काळात त्यांचे कार्य पुढे नेणे हीच खरी त्यांना श्रद्धांजली ठरणार आहे. त्यांच्या कुटुंबाला व आमच्यासारख्या सर्व कार्यकर्त्यांना हे दुःख सहन करण्याची शक्ती बुद्धी सामर्थ्य पंढरीच्या परम दयाळू श्री पांडुरंगाने देवो, हीच प्रभू श्री पांडुरंग चरणी मनापासून प्रार्थना.
ओम:शांती!शांती!शांती!
मारुती भापकर.
📍थोर समाजसेवक आमचे मार्गदर्शक डॉ बाबा आढाव काळाच्या पडद्याआड!
श्रमिकांसाठी झटणारे ज्येष्ठ समाजसेवक डॉ.बाबा आढाव यांच्या निधनाचे वृत्त समजले. महाराष्ट्राच्या श्रमिक आणि सामाजिक चळवळीचे आधारस्तंभ असणारे बाबा,
हमाल, रिक्षाचालक, बांधकाम मजुर अशा कष्टकऱ्यांसाठी संघटना उभारून त्यांना न्याय, सामाजिक सुरक्षा आणि सन्मान मिळवून देण्यासाठी बाबा आढावा यांनी आपलं संपूर्ण आयुष्य समर्पित केलं.
त्यांच्या जाण्याने महाराष्ट्राच्या सामाजिक चळवळीतील एक अढळ तारा निखळला आहे.
तपस्वी व्यक्तिमत्त्व डॉ. बाबा आढाव यांना भावपूर्ण श्रद्धांजली !
डॉ बाबा आढाव यांना मराठा सेवा संघ परिवार,संभाजी ब्रिगेडच्यावतीने भावपूर्ण श्रद्धांजली💐
अभिमन्यु पवार
🖋️संपादक – सुवर्णा गवारे🖋️
