Screenshot
पुणे, दि. ९ ऑक्टोबर 2026: इन्स्टिट्यूट ऑफ ड्रायव्हिंग ट्रेनिंग अँड रिसर्च सोसायटी (IDTRS), पुणे येथे ब्रिजस्टोन इंडियाच्या सी. एस. आरउपक्रमांतर्गत राबविण्यात येणाऱ्या ‘प्रोजेक्ट सारथी’ चा प्रमाणपत्र वितरण कायर्क्रम उत्साहात पार पडला. २०२६ – २७ च्या सहा बॅचेस मधून 142 युवकांनी सारथी मध्ये अवजड वाहन चालविण्याचे प्रशिक्षण यशस्वी पूर्ण केले आहे.
या कार्यक्रमाला ब्रिजस्टोन इंडियाच्या सी. एस. आर कंट्रीहेड रानू कुलश्रेष्ठा, सीएसआर प्रादेशिक प्रकल्प विशेषज्ञ सैफुल हक, सीएसआर प्रादेशिक प्रकल्प विशेषज्ञ नितिका गुल्हाने, तसेच परिवहन कार्यालय (आर.टी.ओ) पुणे चे प्रादेशिक मोटार वाहन निरीक्षक सागर पाटील, प्रादेशिक मोटार वाहन निरीक्षक वाहिद चाऊस आणि IDTRS पुणेचे प्राचार्य संजय ससाणे यांची प्रमुख उपस्थिती होती.
प्रशिक्षण पूर्ण केलेल्या लाभार्थ्यांनी यावेळी प्रशिक्षणादरम्यानचे अनुभव उपस्थितांसमोर मांडले. प्रशिक्षणामुळे वाहन चालविण्याचे कौशल्य, रस्ता सुरक्षेबाबतची जाणीव, आत्मविश्वास आणि व्यावसायिक शिस्त विकसित झाल्याचे त्यांनी सांगितले. तसेच त्यांनी आपल्या भविष्यातील रोजगार आणि करिअरविषयक योजनाही व्यक्त केल्या.
प्रोजेक्ट सारथीअंतर्गत प्रशिक्षणार्थ्यांना रस्त्याची ओळख व रस्त्याविषयी माहिती, धोकादायक रसायने व पदार्थांची सुरक्षित वाहतूक, इंधन कार्यक्षमता, रस्ते वाहतुकीचे नियम व विनियम, बचावात्मक व सुरक्षित वाहनचालन, प्रथमोपचार, वाहन सुरक्षा, वाहनाची तांत्रिक माहितीआणि वाहन कार्यशाळेला प्रत्यक्ष भेट यांसह सुरक्षित व जबाबदार वाहनचालनेसाठी आवश्यक विविध विषयांचे सैद्धांतिक आणि प्रात्यक्षिक प्रशिक्षण देण्यात आले.
यावेळी ब्रिजस्टोन सी. एस. आर कंट्रीहेड रानू कुलश्रेष्ठा यांनी प्रशिक्षणार्थ्यांना मार्गदर्शन करताना सुरक्षित वाहनचालना ही प्रत्येक चालकाची महत्त्वाची जबाबदारी असून, वाहन चालविताना नेहमी सुरक्षेला सर्वोच्च प्राधान्य देण्याचे आवाहन केले. सर्व चालकांनी सुरक्षित वाहनचालनासोबतच आपल्या मानसिक व शारीरिक आरोग्याकडे विशेष लक्ष द्यावे, असे आवाहन करण्यात आले. चालकांच्या आरोग्याच्या दृष्टीने बी.एस. आय.डी. सारथी आरोग्य केंद्रे निगडी, तळोजा आणि इंदोर येथे स्थापन करण्यात आली असून, या केंद्रांमार्फत चालकांसाठी डोळ्यांची तपासणी व आरोग्य तपासणीसाठी उपलब्ध सुविधांची माहिती देण्यात आली.
प्रादेशिक मोटार वाहन निरीक्षक सागर पाटील यांनी IDTRS हे दर्जेदार वाहनचालक प्रशिक्षण देणारे उत्कृष्ट प्रशिक्षण केंद्र असल्याचे सांगत व्यावसायिक व सुरक्षित चालक घडविण्यात अशा प्रशिक्षणाचे महत्त्व अधोरेखित केले.
प्राचार्य संजय ससाणे यांनी प्रशिक्षणार्थ्यांना शुभेच्छा देत, प्रशिक्षणादरम्यान मिळालेल्या ज्ञान व कौशल्याचा योग्य वापर केल्यास ते कुशल, सुरक्षित आणि जबाबदार व्यावसायिक वाहनचालक म्हणून यशस्वी होतील, असे मार्गदर्शन केले. तसेच या व्यवसायात येण्यासाठी इतर तरुणांसाठी अपील केले.
तसेच आय.डी.टी.आर येथे छत्रपती शाहू मानव संसाधन विकास व संशोधन (सारथी) तर्फे सुरु होत असलेल्या प्रशिक्षणाची माहिती देऊन आय.डी.टी.आर सारख्या प्रगल्भ संस्थांकडून चालक प्रशिक्षण.
समारंभात प्रशिक्षण पूर्ण केलेल्या लाभार्थ्यांना प्रशिक्षण पूर्णत्व प्रमाणपत्रांचे वितरण करण्यात आले.
कार्क्रमास आय.डी.टी.आर चे प्रशासकीय अधिकारी के.एस.बिराजदार, प्रशिक्षक समन्वयक दिनेश मंडोरे सह प्रोजेक्ट समन्वयक स्नेहल माहुलकर आणि प्रशिक्षक वर्ग उपस्तिथ होता.
🖋️संपादक – सुवर्णा गवारे🖋️
