दि. : 19-08-2025 @ 16:00
पिंपरी चिंचवड, ता. १९: पवना नदी काठच्या सर्व नागरीकांना सूचित करण्यात येत आहे, की सद्यस्थितीमध्ये पवना धरण 99.70% भरलेले असून नदीपात्रात जलविद्युत केंद्राद्वारे 1400 क्युसेक तर सांडव्याद्वारे 5760 क्युसेक असा एकूण 7160 क्युसेक विसर्ग चालू आहे.
पवना धरणाच्या पाणलोट क्षेत्रामध्ये पाऊस पडत असून, मोठा येवा धरणात प्राप्त होत आहे. धरणातील पाणीसाठा नियंत्रित करणेकरिता प्रथम आज दुपारी 18:00 वा. सांडव्याद्वारे नदीपात्रामध्ये होणाऱ्या विसर्गामध्ये वाढ होवून 8550 क्युसेक केला जाणार आहे.
सदर विसर्ग वाढले नंतर जलविद्युत केंद्र व सांडवा यांचा एकूण विसर्ग 9950 क्युसेक राहणार आहे. जर पाणलोट क्षेत्रात सततपाऊस चालू राहिल्यास दुसऱ्या टप्प्यामध्ये नदीपात्रातील विसर्गामध्ये वाढ होऊन 12000 क्युसेक करण्यात येण्याची शक्यता आहे.
पाणलोट क्षेत्रातील पावसाच्या प्रमाणानुसार व येव्यानुसार धरणातून नदीपात्रात होणारा विसर्ग टप्प्याटप्प्याने कमी किंवा जास्त केला जाऊ शकतो याची नोंद घ्यावी.
सर्वांनी योग्य ती खबरदारी व दक्षता घेत जलसंपदा विभागास व प्रशासनास सहकार्य करावे.
पवना धरण पूरनियंत्रण कक्ष
खडकवासला पाटबंधारे विभाग, पुणे-११
🖋️संपादक – सुवर्णा गवारे🖋️
