पिंपरी चिंचवड, ता. ४: अलीकडेच पुणे शहरामध्ये एका दुर्दैवी घटनेमध्ये एका व्यक्तीने कुरियर डिलिव्हरी एजंट च्या वेशात एका महिलेच्या फ्लॅटमध्ये प्रवेश करून त्या महिलेवर लैंगिक अत्याचार केल्याची घटना घडली आहे. त्यामुळे सर्व सोसायटीधारकांमध्ये भीतीचे व असुरक्षिततेचे वातावरण निर्माण झाले आहे.
पुणे शहरात कुरियर एजंटकडून एका महिलेवर झालेल्या अत्याचाराच्या पार्श्वभूमीवर “कुरियर डिलिव्हरी एजंट”बाबत कठोर नियमावलीसाठी शिवसेना उपनेत्या सुलभा उबाळे यांनी पुढाकार घेतला आहे. यानिमित्ताने
पुणे जिल्हा निबंधक संजय राऊत व सहकार आयुक्त दीपक तावरे यांना भेटून निवेदन दिले.
घरोघर कुरिअर पोहोचवणाऱ्या डिलिव्हरी कुरिअर एजंटबाबत तातडीने कठोर नियमावली जारी करावी. व संभाव्य धोक्यापासून महिला मुलींचे रक्षण करण्याची मागणी केली. यावेळी संपर्क प्रमुख सौ.पूजा रावेतकर शिवाजीनगर विधानसभा अध्यक्ष सौ.अक्षता धुमाळ, कसबा विधानसभा उपशहरप्रमुख अश्विनी मल्हारे आदी उपस्थित होत्य.
गृहनिर्माण सहकारी संस्थांमध्ये जे ऑनलाइन शॉपिंग आणिहोम डिलिव्हरी च्या निमित्ताने अनेक अनोळखी चेहऱ्यांची ये – जा सुरुअसल्याकारणाने आपणास त्याबाबत कडक नियमावली करणे गरजेचेआहे.
खालीलप्रमाणे जर नियमांमध्ये सुधारणा केल्या तर अश्या गोष्टींनाआळा बसेल.
१) सर्व डिलिव्हरी एजंट यांना सुरक्षारक्षकाकडे नाव , मोबाइल नंबर , कंपनीचे नाव नोंदवणे बंधनकारक करावे.
२) डिलिव्हरी एजंट यांचे ओळखपत्र ,त्यावरील फोटो व कंपनीचे पत्रयाची तपासणी करावी.
३) सदर डिलिव्हरी एजंट यांचा वाहन क्रमांक, सिक्युरिटी पास , स्वतंत्ररजिस्टर , ज्या फ्लॅट मध्ये जायचे आहे त्यांची पूर्वपरवानगी , ट्रॅकींग टॅग , , मोबाईल अँप द्वारे रिअल टाइम अपडेट तपासणे.
४) सोसायटीच्या प्रत्येक मजल्यावर आपात्कालीन कॉल बटन तसेचस्थानिक पोलीस स्टेशन चा नंबर असावा.
५) सोसायटी च्या मिटिंग मध्ये महिला सुरक्षिततेबद्दल जागरूकताकरणेबाबत कार्यक्रम असावेत.
६) संबंधित कर्मचारी ज्या कंपनीमध्ये काम करत आहेत त्या कंपनीनेचारित्र्य पडताळणी करून घेणे बंधनकारक करावे.
आम्ही आपणास विनंती करतो कि, वरील सुरक्षा उपायांना कायदेशीर बंधनकारक स्वरूप प्रदान करून राज्यस्तरावर व्यापक अशी नियमावली बनवण्यात यावी . व सर्व गृहनिर्माण संस्थांना नियमावली पाळणे बंधनकारक करावे. तसेच नागरिकांमध्ये घबराट होऊ नये म्हणून पोलीस अधिकारी व सोसायटी चेअरमन यांचेमध्ये संवाद घडवावा हि विनंती.
🖋️संपादक – सुवर्णा गवारे🖋️
