पुणे, ता. १६ : झाकीर हुसैन भैया यांचे नुकतेच निधन झाले यावर विश्वासच बसत नाही. संपूर्ण कला जगत झाकीर भाईंच्या अशा अचानक जाण्याने पोरके झाले आहे. अशी भावना ज्येष्ठ कथक नर्तक डॉ. पं. नंदकिशोर कपोते यांनी व्यक्त केली आहे.
ते म्हणाले, माझे व झाकीर भैयांचे संबंध १९८० साला पासूनचे आहे. पं.बिरजूमहाराज व झाकीर भाई बरोबर मी प्रथम कथक नृत्य सोलापूर येथे सादर केले.त्यावेळी झाकीर भाईची पत्नी टोनी भाभी पण होती. त्यानंतर बिरजूमहाराजजीं बरोबर कार्यक्रमात झाकीर भाईन बरोबर कायम भेटी होत गेल्या व झाकीर भाईन बरोबर अधिक घनिष्ठ संबंध झाले.
मला ते नंदू म्हणून हाक मारत असत. १९९५ साली शिकागो येथे एका कार्यक्रमात झाकीर भाईंनी तबला वाजवला व मी नृत्य केले हे माझे खुप मोठे सौभाग्य! त्यांच्या बरोबर च्या ५० वर्षाच्या सहवासातील आठवणी आज जाग्या झाल्या आहेत. झाकीर भाईंच्या जाण्याने कला क्षेत्रात खूप मोठी पोकळी निर्माण झाली आहे ती आता कधीही भरून येणार नाही. आज कला क्षेत्रातील लखलखता ध्रुव तारा गळुन पडला आहे.
🖋️संपादक – सुवर्णा गवारे🖋️
