चिखली कुदळवाडी मध्ये तीन एकर परिसरात आग
पिंपरी, ता. ९ :- पिंपरी चिंचवड महानगरपालिकेच्या मुख्य अग्निशमन केंद्रास ९ तारखेला सकाळी १०:१९ वाजता इंद्रायणी चौकाजवळ कुदळवाडी चिखली या ठिकाणी भंगार दुकानाला आग लागल्याची वर्दी प्राप्त होताच पिंपरी चिंचवड महानगरपालिका तळवडे,चिखली मोशी ,प्राधिकरण ,भोसरी ,पिंपरी ,थेरगाव व रहाटणी या सर्व अग्निशमन केंद्रातील अग्निशमन पथकांना घटनास्थळी त्वरित रवाना करण्यात आले.
घटनास्थळी अंदाजे तीन एकर परिसरामध्ये वीस ते पंचवीस भंगार दुकानांना आग लागल्याने मोठ्या प्रमाणात आग व अवकाशामध्ये धुराचे लोट दिसून येत होते. अबरार चौधरी यांनी आग वर्दी माहिती दिली होती. घटनास्थळी जळणारी दुकाने यामध्ये फोंमरबर, प्लास्टिक मटेरियल , प्लास्टिक बनवण्यासाठी वापरले जाणारे कच्चा माल, टू व्हीलर थ्री व्हीलर फोर व्हीलर यांचे भंगार मटेरियल, पॉलिथिन बॅग, ऑइल कॅन ड्रम, या सर्व जळाऊ मटेरियल चा भंगार दुकानांमध्ये मोठ्या प्रमाणात साठा असल्याने तसेच अरुंद रस्ते पत्रा शेडचे बांधकाम यामुळे अग्निशमन दलाला आग विझवण्यासाठी मोठ्या शर्तीने प्रयत्न करावे लागले.
आठ तासाच्या अथक प्रयत्नानंतर अग्निशमन दलास आगीवर नियंत्रण मिळवण्यासाठी निरंतर पाण्याचा मारा करून ७० ते ७५ गाडी पाणी मारून आग शमविण्यात यश आले.
जळावू सामग्री असल्याने घटनास्थळी आगीचे लोट कमी झाले असून आगीला थंड करण्याचे काम अजूनही चालू आहे. पिंपरी चिंचवड महानगरपालिका अग्निशमन दलाच्या मदतीस पुणे महानगरपालिका अग्निशमन दल, पी एम आर डी ए अग्निशमन दल, टाटा मोटार कंपनी अग्निशमन दल, महाराष्ट्र औद्योगिक महामंडळ अग्निशमन दल, चाकण एमआयडीसी अग्निशमन दल ,हिंजवडी अग्निशमन दल, इत्यादी अग्निशमन केंद्रांनी सहभाग नोंदविला. आगीचे कारण समजू शकले नाही.
आगीमध्ये कोणतेही जीवित हानी झाली नाही.
घटनास्थळी पिंपरी चिंचवड महानगरपालिका अतिरिक्त आयुक्त प्रदीप जांभळे पाटील, उप आयुक्त मनोज लोणकर ,अग्निशमन अधिकारी श्ऋषिकांत चिपाडे, दिलीप गायकवाड ,बाळासाहेब वैद्य यांचे समवेत ९६ कर्मचारी वर्गाने आग नियंत्रणात आणण्यासाठी प्रयत्न केले.
🖋️संपादक – सुवर्णा गवारे🖋️
