पिंपरी, ता. २२ : निगडी प्राधिकरण मधील चार वर्षापासून बंद असलेल्या व अनेक वर्षापासून पत्र देऊनही छत्रपती शिवाजी महाराज जलतरण तलाव चालू करण्यासाठी आज पालिकेत क्रीडा विभागात धरणे आंदोलन करण्यात आले.
मा. पंकज पाटील साहेब उपायुक्त क्रीडा विभाग व मा.अनिता केदारी मॅडम मुख्य क्रीडा अधिकारी महानगरपालिका पिंपरी चिंचवड यांच्या दालनात बसून धरणे आंदोलन करुन निवेदन देण्यात आले. यावेळी पालिका क्रीडा विभागाने निगडी प्राधिकरण मधील छत्रपती शिवाजी महाराज जलतरण तलाव 15 दिवसात चालू करण्याचे लेखी पत्र दिले.
निगडी प्राधिकरणातील छत्रपती शिवाजी महाराज जलतरण तलाव सुमारे तीन ते चार वर्षापासून प्रथम कोरोनामुळे महानगरपालिके कडून बंद करण्यात आला आहे. आजही हा तलाव दुरुस्तीच्या नावाखाली चार वर्षापासून बंद अवस्थेत आहे. कोरोना काळ संपला सर्व व्यवहार सुरळीत चालू झाले, पिंपरी चिंचवड शहरातील अनेक तलाव पुर्वी प्रेमाने चालू केले आहे .पण निगडी प्राधिकरण मधील हा जलतरण तलाव आजपर्यंत पालिकेकडून चालू करण्यात आलेला नाही.
गेल्या दोन वर्षापासून महापालिका व क्रीडा विभागात अनेक वेळा पत्र देऊनही आपण यावरती फक्त चालू करू,व वारंवार निविदा प्रसिद्ध केलेली आहे, असे उत्तर दिले जाते, आम्ही पत्र देऊन चालू करण्याबाबत आपल्या कडून कोणतीही ठोस योग्य कारवाई केलेले नाही.
आता उन्हाळा चालू झालेला आहे नागरिकांना व विद्यार्थ्यांना पोहण्यासाठी निगडी प्राधिकरण मध्ये जवळपास जलतरण तलाव कुठेही नाही व लवकरच विद्यार्थींना उन्हाळ्यात सुट्टी चालू होत आहे, व मुलांना पोहण्याचे प्रशिक्षण घेण्यासाठी हा तलाव उपलब्ध करून देण्यात आला पाहिजे.
निगडी प्राधिकरण भागातील सर्व नागरिकांची मागणी आहे कि हा जलतरण तलाव लवकरात लवकर चालू करावा अशी मागणी असून, आपणास नम्र विनंती आहे की आठ दिवसांत हा जलतरण तलाव सुरू करावा.
छत्रपती शिवाजी महाराज जलतरण तलाव प्रामुख्याने निगडी, आकुर्डी, प्राधिकरण, रावेत व बिजलीनगर या भागातील नागरिकांना हा तलाव मध्य ठिकाणी असल्याकारणाने या भागातील सर्व नागरिकांना हा तलाव सोयीचा व जवळ आहे. तसेच नागरिकांना व लहान मुलांना उन्हाळ्यात सुट्ट्यान मध्ये विद्यार्थ्यांना पोहण्याचा सरावासाठी ही तलाव उपलब्ध होण्यासाठी आपण येत्या आठ दिवसांमध्ये हा जलतरण तलाव चालू कराव.
तसे आम्हाला हा तलाव नक्की कधी व कोणत्या महिन्यात चालू करणार आहे असे लेखी स्वरूपात द्यावे अन्यथा मनसेतर्फे आपल्या कार्यालयामध्ये उपोषण केले जाईल.असे पत्र दिल्याने व धरणे आंदोलन केल्याने पालिका क्रीडा विभागाने 15 दिवसात निगडी प्राधिकरण मधील छत्रपती शिवाजी महाराज जलतरण तलाव चालू करु असे लेखी पत्र दिल्या नंतर धरणे आंदोलन स्थगित करण्यात आले.
या आंदोलनात बाळा दानवले उपाध्यक्ष मनसे पिंपरी चिंचवड शहर.मयुर चिंचवडे विभाग अध्यक्ष, जयसिंग भाट संघटक, भागवत नागपुरे उपविभाग अध्यक्ष,विक्रांत मुकणार शाखा अध्यक्ष, ओंकार उकिरडे, उपस्थित होते.
🖋️संपादक – सुवर्णा गवारे🖋️
