पिंपरी चिंचवड,?ता. १७: चॅलेंजर पब्लिक स्कूल येथे भारताचा ८० वा स्वातंत्र्यदिन देशभक्ती, उत्साह आणि अभिमानाच्या वातावरणात मोठ्या दिमाखात साजरा करण्यात आला. 🇮🇳
या कार्यक्रमाला शाळेचे अध्यक्ष श्री. संदीप काटे, मुख्याध्यापिका सौ. ज्योतिका मलकानी, मान्यवर पाहुणे, शिक्षकवृंद आणि पालकांची उपस्थिती लाभली.
तिरंग्याच्या रंगांनी सजलेल्या शाळेच्या परिसरात विद्यार्थ्यांनी देशभक्तीपर गीते, नृत्य, भाषणे आणि विविध सांस्कृतिक कार्यक्रम सादर करून स्वातंत्र्यदिनाचा उत्साह द्विगुणित केला. विद्यार्थ्यांच्या दमदार आणि मनमोहक सादरीकरणातून देशप्रेम, राष्ट्रभक्ती आणि भारतीय संस्कृतीची सुंदर झलक पाहायला मिळाली.
अध्यक्ष श्री. संदीप काटे, मुख्याध्यापिका सौ. ज्योतिका मलकानी, मान्यवर पाहुणे आणि पालकांनी विद्यार्थ्यांचे कौतुक करून त्यांचा उत्साह वाढवला. त्यांच्या उपस्थितीमुळे हा सोहळा अधिक संस्मरणीय ठरला.
कार्यक्रमातून विद्यार्थ्यांना देशाच्या स्वातंत्र्याचे महत्त्व, स्वातंत्र्यसैनिकांचे बलिदान आणि जबाबदार नागरिक म्हणून आपली कर्तव्ये यांची जाणीव करून देण्यात आली.
🇮🇳 “स्वातंत्र्याचा उत्सव साजरा करूया आणि जबाबदार, सक्षम व समृद्ध भारत घडविण्याचा संकल्प करूया!”
🖋️संपादक – सुवर्णा गवारे🖋️
